Tiejes 't Prinsebal wiēr prins Rob d'n Derde òpgenome beej de Âld prinse.
Ok wiēr nao 26 jaor afscheid genome van Nar Wim, heej is benoemd tot Ieërenar vur zien veule verdienste vur CV 't Knölleke.
Daornao was 't tied um de neeje prins te prizzentieëre.

Dit jaor wiēr d'r 'n brouwsel gekókt waor enne neeje prins uut mós kómme. Dat liep iets ânders dan verwaacht.
Ien pláts dat d'r alliieën enne prins naor veure kwaam, wiēre d'r vur 't urst ien de Lönse historie ok adjudanten geprizzentieërd!

't Trio van CV 't Knölleke van 2024 is gewaore:

Prins Stan Jilesen (Stan d'n Urste)
Adjudant Kai Claessens
Adjudant Roel Theunis
Trio 2024 s

De 28-jäörege Stan wónt same mit zien vriendin Fenne ien de Rector Nabbenstraot ien Luuëne. Ien 't dágelekse laeve werkt Stan as controller beej Smedts Bedrijfshallen ien Aostrum.
Ien zien vreeje tied voetbalt heej beej SV Leunen en vörmt mit zien kámmeräöj 'n zaalvoetbalteam beej ZVV Leunen, waorvan heej tevens vurzitter is.

Adjudant Kai is 29 jaor en zien vriendin hieët Anne. Heej is werkzaam beej Canon Production Printing ien Venlo.
Adjudant Roel is ok 29 jaor âld en wónt same mit zien vriendin Lonneke. Heej werkt beej Hendrix Genetics ien Bòksmaer.

Stan is enne carnavalsvierder ien hárt en niere. Heej huurde beej de formatie Kieës mit Kruut waormit ze urste zien gewaore mit 't Liedjesfestijn ien Luuëne en twedde ien de Liedjesfinale ien Rooj. Stan is nog nie uutgezonge en is nów oonderdieël van de Chipito's.
Ok hed Stan mieërdere kieëre àn de Zittingsaovenden mit gedaon mit 4XNX en zit heej ien de kemissie Liedjesfestijn.

Zien leus is: "Laot òw nie gek make, dat doēn weej wel!"

Òp Carnavalszaoterdág 10 fibberwarie 2024 hâlde Prins Stan d'n Urste en zien Adjudanten Kai en Roel hun receptie van 19.11 uur tot 21.11 uur ien 't Knollehuus (De Baank).

📷: Jordi Smeets

knolleke logo 500 facebook twit spotify CV 't Knölleke Leunen

Ga naar boven