Naodat prins Frank d'n Urste nao 3 jaor regieëre was òpgenome beej de Âld prinse was 't tied um de 6x11 jubeleejumprins te presentieëre.

Dit jaor was Peter Gillis en Niicol uutgenuuëdegd dur de Kemissie Uutkomme Prins um de bekendmaking van de prins van 2023 te verzörge. En Hatseflats, daor stoond ie dan de 6x11 Jubeleejumprins van 2023.

De prins van CV 't Knölleke van 2023 is gewaore:

Rob Peeters (Rob d'n Derde)

Rob gut mit zien leus "Laef, lach en geniēt!" dit jaor as Prins Rob d'n Derde veuròp mit de carnaval ien Luuëne.

De 55-jaorige Rob is getrówd mit Karin en hed drie kiender: Fleur, Milou en Jannick en wònt òp 't Òvverbroēk àn de Hoef.

Ien 't dageleks laeve werkt Rob ien Kuuk as werkvurbereider beej Thermo Konstrukties BV.

Ien zien vreeje tied vlágt Rob beej de Veteranen òp zaoterdág.

Carnaval löpt as enne roeje draod dur 't laeve van Rob en Karin. Ze hebbe mekaar lieëre kenne mit carnaval ien Luuëne. Ze viere elk jaor carnaval en daornaeve name ze al mieër dan 22 jaor actief mit d'n òptocht ien Luuëne en Rooj mit Buurtverieëneging 't Ovverbroēk . Rob is ok lid van de Krântekemissie van 't Knölleke die jaorleks zörge vur enne moije Vastelaoveskrânt.

't Carnavalsbloed zit dan ok echt beej hun ien de femilie en d'r zien al mieëdere hoeëgheeje ien de femilie gepassierd. Már dit kieër is de ieër àn Rob zelf. Heej hed d'r dan ok nao 'n jaor waachte hieël veul zin ien.

Òp Carnavalszaoterdág 18 fibberwarie 2023 hâld Prins Rob d'n Derde zien receptie van 19.11 uur tot 21.11 uur , waor ge de meugelekheid hed um Rob te fillisetieëre mit dees uutverkiezing.

📷: Jordi Smeets